Category Archives: Bike / Rennvelo

Ostermontag Biken mit Fritz Ringgenberg

Leave a comment

Bei Temperaturen knapp im Plus-Bereich versammelten sich um 09:30 Uhr, 14 Bikerinnen und Biker bei herrlichem Sonnenschein bei Silvia und Fritz.

Wegen dem tief liegenden Schnee änderte Fritz die Routenplanung kurzfristig. Ziel war dieses Jahr nicht Aeschi, sondern trickreiche Singeli und flowige Trails im eher flachen Bereich.

Zum Einfahren starteten wir durch den Schorenwald, über das Gwattmoos, Richtung Chanderbrügg durch Riederen zum Rustwald.

Jetzt staunten wir über wunderschöne Singeltrails längs und quer durch den  OL-Wald. Durch Buchen und Tannen fuhren wir geschützt vom Wind und erwärmt von der durchdringenden Sonne über Stock und Stein.

Edi machte wie gewohnt den Schluss und motivierte das Ende der Bike – Karawane mit aufmunternden und lobenden Worten.

Plötzlich hatte auch Thomas Straubhaar zu uns gefunden und mit einem Biker mehr fuhren wir weiter durch das Spiezmoos,  Richtung Hondrichhügel.

Die Abfahrt nach Fulenbach war wie immer für alle ein Highlight, vergnügt machten wir uns durch das Riedli, übers Hani Richtung Guntelsey auf dem Heimweg.

Nach ca. zweieinhalb Stunden kamen alle gesund und fast ohne Sturz in der Pfanderen an.

Jetzt durften wir uns noch auf den gemütlichen zweiten Teil freuen. Bei warmen Sonnenschein genossen wir bei Bier und mehreren Eve’s (Frauen fast in ÜberzahlJ) Zopf, Hobelkäse, Würste und Vieles mehr.

Einmal mehr erlebten wir einen schönen und gelungenen Bikestart dank der Führung und Verpflegung von Silvia und Fritz!

Ganz äs grosses Merci

Äs het für aui gfägt – Hans Zysset

Weitere Fotos findet ihr hier: [nggallery ID=18]

Oschtermentig Bike mit Fritz Ringgebärg

Leave a comment
Ostermontagsbiken 

Am Sunntig Abe het Fritz beschlosse, ds Oschtermentig Bike o mit zwifuhafter Wättervorhärsag dürzfüere. Am Mentig Morge si nümme ganz ali begeischteret gsi vo där Entscheidig u hi zur Sicherhit no is iz Internet gugge, ob würklich ? ja würklich!! So simmer na dis na bü Silvia u Fritz iitrudlet u zum erstuune vo de Gaschtgäber ganzi 14 Teilnämer gsi. Pünktlich simer am haubi zächni bü trochenum Wätter u aagnähme Temperature losbiket richtig Schorewaud. Scho im erschte Uufstig hetes im Präsi sim Bike d Chetti iiklemmt. As het de a gröberei Üebig gä u Edi, Hans u Roger hi z dritt di Chetti mitama wäuts Chrampf ommi uf z Zahnredli kiit. Di gmüetlichere Bikerinne u Biker si i där Zyt scho gäge Wimmis zue pedalet u dert hi üs di räschtliche Biker o schommi iighout. Fritz het üs de richtig Chessu, Horbode, Oey-Diemtige a wunderbari Tour ziigt mitera wunderbari Abfahrt am Chirel entlang bis uf Oey u de ommi de Waudwägli na Wimmis zue. Vo Wimmis simmer zümli diräkt zrugg iz Gwatt zu Ringgebärgs. Dette hettes scho zum Chemi us gruuchnet u d Silvia het as prächtigs Buffet mit warme Getränk, Würscht u Chueche zwäg ghäbe. As Merci a Regula u Fritz wo no Hobuchees u Züpfa praacht hi. So sy wir gäär no i di warmi Stuba gsässe u hiis üs la guet ga. Wemmer de uusgiebig verpflegt u ommi ali ufgwärmt gsi sy, himer no de Hiimwäg under d Rödleni gno. Späteschtens dehim simmer alli froh gsi, dassmer am Morge de Chopf nid hi la heiche u üs uf z Bike gschwunge hi.

Wir danke im Gaschtgäberpaar Silvia u Fritz für die super Tour im Diemtigtau u di grosszügigi Bewürtig alli Jahr u fröie üs scho hüt ommi ufe nächscht Oschtermentig.

D Oschtermentig Biker 2014 – Sonia

1 … 4 5 6