D Wiehnachtsstimmig ds Basu het passt!

Ds „Huduwätter“ het erbarme gha u üs bis uf di letschti Kategorie es rägefreis Renne ermüglecht. Diä Manne heit das bravurös wägsteckt.

Ja, diä wiehnächtlechi Stimmig ds Basu isch wunderschön u da stigt d Motivation für nes glungnigs Renne vo alleini.

Da cha ds „Chratze im Haus, e Schnuderi u ou e grössere Stromusfau im Pflegeheim ds Iffwil, i Hingergrund rücke u d Konzentration für di 5,5 Kilometer isch vou da!

D Startzite si wit usenang, drfür längts de für dr eint oder ander „Hopp, Hopp Ruef. Die während em Renne ere Pärson zue ds ordne, wo mitfieberet, isch schwierig bi däm Tämpo, wo mir häregleit hei. Aber fäge u beflügle tuets immer, tröii Fans am Strasserand oder dahei drbi ds ha. Danke öich viu mau!

Ds fride u glüecklechi Gsichter hei mir nachem Renne aui gha, obe us gschwunge isch d Anina, wo säuber ab ihrem schnäue Louf e riise Fröid het gha, Bravo!

Di gmüetlechi Location für nes feins Ässe het passt u mir hei gärn no chli zäme gschnäderet u Idrück ustuschet. Da het ds tüüre Bier drzueghört u nüt ar guete Luune a ta.

Sonja Rüegsegger

 

Resultate 5.5km:

M20 – 44. Wüthrich Simon – 19:28.3

W20 – 8. Kehrle Nadja – 20:39.3

M35 – 33. Schüpbach Michael – 20:47.4

M50 – 14. Thomann Ueli – 20:59.0

M50 – 25. Schild Thomas – 21:39.1

W45 – 5. Zeller Corinne – 21:57.7

W45 – 7. Rüegsegger Sonja – 22:16.8

W35 – 11. Schüpbach Anina – 22:57.4